Иргэний үнэмлэх шинээр авах, 25 нас, 45 насны сунгалт хийлгэх

2022-11-16

Иргэний үнэмлэх шинээр авах, 25 нас, 45 насанд иргэний үнэмлэхийн сунгалт хийлгэх ИРГЭНИЙ ҮНЭМЛЭХ ШИНЭЭР АВАХ, 25 НАС, 45 НАСАНД ИРГЭНИЙ ҮНЭМЛЭХИЙН СУНГАЛТ ХИЙЛГЭХ

Монгол Улсын иргэн 16 нас хүрч,  шинээр иргэний үнэмлэх авах бол дараах материалыг бүрэн бүрдүүлэн ЭСЯ-ны энэхүү  холбоосоор  https://mongoliainsweden.simplybook.it/v2/ орж консулын үйлчилгээний цагаа урьдчилан захиалан баталгаажуулж  өөрийн биеэр ирж үйлчлүүлнэ үү.

 

Дараах бичиг баримтыг заавал бүрдүүлж  ирэх  шаардлагатай.

•             Төрсний гэрчилгээний хуулбар. Төрсний гэрчилгээ байхгүй тохиолдолд УБЕГ-ын лавлагаа

•             Эцэг, эхийн иргэний үнэмлэх, гадаад паспортын хуулбар

•             Эхээрээ овоглодог бол зөвхөн эхийн иргэний үнэмлэх, гадаад паспортын хуулбар

•             Үйлчилгээний төлбөр 55 швед крон

Иргэний үнэмлэхний бүртгэлийн өөрийн биеэр ирж, хийлгэнэ. ЭСЯ-ны бүртгэлийн ажилтан Таны гарын 10 хурууны хээг авч, иргэний үнэмлэхний зургийг авна.

Иргэний үнэмлэхний 25 нас, 45 насны сунгалт хийлгэх Иргэн Та 25 нас, 45 нас хүрч иргэний үнэмлэхээ сунгуулах бол дараах материалыг бүрэн бүрдүүлэн ЭСЯ-ны энэхүү  холбоосоор  https://mongoliainsweden.simplybook.it/v2/ орж консулын үйлчилгээний цагаа урьдчилан захиалан баталгаажуулж  өөрийн биеэр ирж үйлчлүүлнэ үү.

Дараах бичиг баримтыг заавал бүрдүүлж  ирэх  шаардлагатай.

•             Өөрийн болон эхнэр, нөхөр, 16 хүртэлх насны хүүхдийн төрсний гэрчилгээний хуулбар. Төрсний гэрчилгээ байхгүй тохиолдолд УБЕГ-ын лавлагаа

•             Хугацаа нь дууссан иргэний үнэмлэхний хуулбар

•             Өөрийн гадаад паспорт

•             Үйлчилгээний төлбөр 55 швед крон

ЗӨВЛӨМЖ:

- Хөгжлийн бэрхшээл /хэл яриа, сонсголын /-тэй бол гэр бүлийн аль нэг гишүүн хамт ирэх,

- Өөрийн яс үндсийг мэддэг байх,

- Суугаа улсдаа оршин суугаа хаягаа мэдэж байх,

- Монгол Улсад бүртгэлтэй гэрийн хаягаа check.burtgel.gov.mn энд дарж баталгаажуулсан байх. /Хаяг бүртгэлийн мэдээлэл байхгүй тохиолдолд харьяа хороо, дүүрэгтэй холбогдон хаягийн мэдээллээ нягтлахыг зөвлөж байна. Монгол Улсад бүртгэлтэй хаяг нь зөрсөн тохиолдолд иргэний үнэмлэх хэвлэгдэхгүй болохыг анхаарна уу.     Хэрэв танд лавлах зүйл байвал  ЭСЯ-ны  46 (08) 7531135 утсаар  холбогдож  тодруулах боломжтой.